పిల్లలు అకారణంగా నవ్వుతున్నారా.. జాగ్రత్త.. మూర్ఛ కావచ్చు?
నవ్వు నాలుగు విధాల చేటు చేస్తుంది అని చెబుతూ ఉంటారు. ఇక్కడ చిన్నారుల నవ్వు కూడా ఎంతో ప్రమాదకరమైనది అని అంటున్నారు నిపుణులు. ఎలాంటి కారణం లేకుండా పిల్లలు ఒంటరిగా కూర్చుని అదేపనిగా నవ్వుతూ ఉంటే తల్లిదండ్రులు వెంటనే జాగ్రత్త పడాలని వైద్యులు సూచిస్తున్నారు.. మూర్చ వ్యాధి లో ఇదోరకం అంటూ చెబుతున్నారు నిపుణులు. ఇది చాలా అరుదుగా పిల్లల్లో కనిపిస్తూ ఉంటుంది అని.. రెండు లక్షల మందిలో ఒకరు మాత్రమే ఈ అసాధారణ వ్యాధితో బాధపడుతూ ఉంటారు అని ఎల్బీనగర్లోని కామినేని ఆసుపత్రికి చెందిన కన్సల్టెంట్ సర్జన్ రమేష్ చెప్పుకొచ్చారు. ఇటీవల ఇదే సమస్యతో బాధపడుతున్న మూడేళ్ల చిన్నారికి సర్జరీ చేసినట్టు చెప్పుకొచ్చారు.
మెదడులోని హైపోథాలమస్ అనే భాగం ఉంటుంది. ఇది ఎంతో కీలకమైనది అంటూ తెలిపారు. ఆ ప్రాంతంలో కణితి ఏర్పడితే పిల్లలు గెలస్టిక్ సీజర్స్ బారిన పడతారని డాక్టర్ రమేష్ చెప్పుకొచ్చారు.. ఎప్పుడు పడితే అప్పుడు కారణం లేకుండా నవ్వుతూ ఉంటారని తెలిపారు. ఇక ఇటీవలే సర్జరీ చేసిన బాలికలో ఆరు నెలల క్రితం ఇలాంటి సమస్యను గుర్తించి వెంటనే తల్లిదండ్రులు వైద్యులను ఆశ్రయించడంతో ప్రమాదం తప్పింది అని డాక్టర్ రమేష్ తెలిపారు. ఎవరిని గుర్తు పట్టకపోవడం రానురాను బాలిక ఎడమ కంటి లో మెల్ల రావడం లాంటివి కూడా జరిగిందని చెప్పుకొచ్చారు. ఈ క్రమంలోనే హైపోథాలమస్ భాగంలో కణితి ఉన్నట్టు గుర్తించి విజయవంతంగా శస్త్ర చికిత్స చేసినట్టు చెప్పుకొచ్చారు.