అరబ్ దేశాల అతి తెలివి.. ముప్పుకేనా..!
ఇప్పుడు ఇంధనం ఉంది కాబట్టి నడుస్తుంది, ఒకవేళ ప్రపంచ దేశాలు వాళ్ళ నుండి ఇంధనం కొనడం మానేసి, విద్యుత్ వాహనాలను ఆశ్రయిస్తే పరిస్థితి ఏమిటి అనేది ఆలోచించుకోవాలి. ఒకవేళ అలాగే జరిగితే, కేవలం పర్యాటక రంగం ద్వారా అరబ్ దేశాలు బ్రతికేయడం అంత సులభం కాదు. ఒక స్థాయిలో ఉన్నవి అమ్ముకొని బ్రతికేయాల్సిన స్థితి కూడా వచ్చే ప్రమాదం కూడా లేకపోలేదు. ఇవన్నీ మనసులో పెట్టుకొని, కావాలని ధరలు మండించే అతి తెలివి తేటలు మానుకుంటే మంచిది అంటున్నారు విశ్లేషకులు.
దీనిపై అరబ్ దేశాలు కూడా ఒక మాట అంటున్నాయి, లాక్ డౌన్ లో ఇంధన కొనుగోళ్లు అసలు జరగలేదు, ఆ నష్టాలు ఇప్పుడు పూడ్చుకోవాలి కదా అని. అయినా లాక్ డౌన్ లో కొనుక్కొని ఏమి చేసుకోవాలి, అప్పటిలో నిల్వ ఉన్నది ఏమి చేసుకోవాలో అర్ధం కాక చాలా మంది అల్లాడిపోయారు. కొన్ని పరిస్థితులను చూపించి, వ్యాపారం అందులోకి చొప్పించి మాట్లాడటం సబబు కాదు. ఆనాడు పరిస్థితులు అలాంటివి, నేటికీ పూర్తిగా రవాణా వ్యవస్థ కావచ్చు, ఇతర వ్యవస్థలు కావచ్చు పూర్తిగా అందుబాటులోకి రాలేదు. కారణం కరోనా భయం ఇంకా వేటాడుతూనే ఉంది. ఇవన్నీ ఆలోచించుకుని ప్రవర్తిస్తే, అందరు కలిసి నడవటానికి అవకాశం ఉంటుంది, ఎవరికి వారే అనుకుంటే ఒక నాడు సాయం చేయడానికి ఎవరు మిగలరు. అంతర్జాతీయ సమాజం అనేది ఒకటి ఉంది, ఇందులో కూడా ఒకరికొకరు అండగా ఉండాలి అనేది స్పష్టమైన నిజం.