బర్త్ డే : భార్యతో ఆయుష్మాన్ ఖురానా ప్రేమాయణం... విచిత్ర ప్రేమ కథ !
ఆయుష్మాన్ ఖురానా మరియు తాహిరా ప్రేమ కథ ఫిజిక్స్ కోచింగ్ క్లాస్తో ప్రారంభమైంది. ఆ సమయంలో ఇద్దరూ 11-12వ తరగతి చదువుతున్నారు. అలా పరిచయమైన వారి స్నేహం తరువాత ప్రేమగా మారింది. అయితే ఒకరోజు ఆయుష్మాన్, తాహిరా తండ్రి ఇరు కుటుంబాలు కలిసి ఇంట్లో భోజనం చేయాలని నిర్ణయించుకున్నారు. ఈ విషయం ఆ జంటకు తెలియదు. సాయంత్రం రెండు కుటుంబాలు విందు కోసం సమావేశమైనప్పుడు ఆయుష్మాన్, తాహిరా ఒకరినొకరు చూసి ఆశ్చర్యపోయారు. ట్యూషన్ చదివిన తర్వాత ఇద్దరూ కలిసి వచ్చారు. ఆ సమయంలో వారిద్దరికీ తెలియదు వారి కుటుంబ సభ్యులు ఇలా కలవబోతున్నారని. పాఠశాల నుండి ప్రారంభమైన వారిద్దరి ప్రేమ కథ ఇప్పటికి అలాగే కొనసాగుతోంది. ఇద్దరూ కలిసి చండీగఢ్లో థియేటర్ ఆర్ట్స్ చేసారు. తొలిచూపులోనే వారిద్దరి మధ్య ప్రేమ వ్యవహారం మొదలైంది. ఆయుష్మాన్ మొదట తన సోదరుడు అపర్శక్తికి తాహిరా గురించి చెప్పాడట.
వివాహం తర్వాత కూడా ఇద్దరూ నాలుగు సంవత్సరాల పాటు లాంగ్ డిస్టెన్స్ రిలేషన్ లో ఉన్నారట. ఆ సమయంలో ఆయుష్మాన్ ఖురానా ముంబైలో, చండీగఢ్లో తాహిరా నివసించారు. అప్పటికి అతని మొదటి కుమారుడు విరాజ్ కూడా జన్మించాడు. వారిద్దరికీ ఒక కుమార్తె పుట్టాక తాహిరా ముంబైకి మారింది. లాంగ్ డిస్టెన్స్ రిలేషన్ షిప్ వారి సంబంధాన్ని ఇంకా బలోపేతం చేసింది. తాహిరా క్యాన్సర్తో బాధపడుతున్నప్పుడు ఆయుష్మాన్ ఆమెకు అడుగడుగునా మద్దతు ఇచ్చాడు. నేడు ఈ అందమైన జంట తమ జీవితాన్ని సంతోషంగా గడుపుతున్నారు. ఇద్దరూ బాలీవుడ్ ఉత్తమ జంటగా ఆదర్శనీయంగా ఉన్నారు.