മുട്ടയിൽ ഇവയെല്ലാം ചേർത്ത് സൗന്ദര്യം പരിഹരിക്കാം!
സന്ദര്യ പ്രശ്നങ്ങൾക്ക് പരിഹാരമായി മുട്ട വെള്ളയിൽ ഇവയെല്ലാം ചേർക്കൂ. ആരോഗ്യമുള്ള ചർമ്മം വേണമെങ്കിൽ ചർമത്തിന് ആവശ്യകമായ പോഷകങ്ങളെ പതിന്മടങ്ങായി നൽകേണ്ടതുണ്ട്. ചർമ്മത്തെ നല്ല രീതിയിൽ പരിപോഷിപ്പിക്കാനും എപ്പോഴും ആരോഗ്യമുള്ളതാക്കി നിലനിർത്താനുമെല്ലാം എല്ലാവരും തന്നെ പലവിധ മാർഗ്ഗങ്ങളെ തിരഞ്ഞുപോകുന്നുണ്ട്. പുറത്തുനിന്നും വിലകൂടിയ സൗന്ദര്യവർദ്ധക വസ്തുക്കൾ വാങ്ങി പരീക്ഷിക്കുന്നത് മുതൽ അടുക്കളയിൽ തന്നെ കണ്ടെത്തുന്ന പലവിധ ചർമ്മ പരിപാലന രീതികൾ പിന്തുടരുന്നത് വരെയുള്ള കാര്യങ്ങൾ ഇതിലുൾപ്പെടുന്നു. ഇത്തരത്തിൽ മുഖ ചർമ്മത്തെ പരിപോഷിപ്പിക്കുന്നതിനായി ഏറ്റവുമധികം ഗുണങ്ങളെ നൽകാൻ ശേഷിയുള്ള ഒരു ഭക്ഷ്യവിഭവം നമ്മുടെ അടുക്കളയിൽ തന്നെയുണ്ട് എന്ന് പറഞ്ഞാൽ വിശ്വസിക്കുമോ.
മുട്ടയെ കുറിച്ചാണ് പറഞ്ഞുവരുന്നത്. ശാരീരിക ആരോഗ്യത്തിന് മാത്രമല്ല, മുഖസൗന്ദര്യത്തിനും ഒട്ടനവധി ഫലങ്ങളെ നൽകാൻ ശേഷിയുള്ള ഇത് നിങ്ങളുടെ എല്ലാവിധ ചർമ്മ പ്രശ്‌നങ്ങൾക്കുമുള്ള ഏറ്റവും മികച്ച പരിഹാരമാർഗ്ഗങ്ങളിൽ ഒന്നാണ്.മുട്ട ഒരു പ്രധാന ചേരുവയായി ഉൾപ്പെടുത്തിക്കൊണ്ട് തയ്യാറാക്കുന്ന ഫേസ്പാക്കുകൾ നിങ്ങൾക്ക് എക്കാലത്തെയും മികച്ച ചർമ്മസ്ഥിതി നൽകുന്നതിന് സഹായിക്കും. പ്രത്യേകിച്ചും മുട്ടയുടെ വെള്ളയിൽ സൗന്ദര്യ ഗുണങ്ങളെ നൽകാൻ ശേഷിയുള്ള ധാതുക്കൾ, വിറ്റാമിനുകൾ, പ്രോട്ടീൻ എന്നിവ ധാരാളമായി അടങ്ങിയിട്ടുണ്ട്. ഇത് പ്രശ്നങ്ങൾ ഉള്ള നിങ്ങളുടെ ചർമ്മത്തിൽ അത്ഭുതങ്ങൾ സൃഷ്ടിക്കുന്നതിന് സഹായിക്കുന്നതാണ്. സുന്ദരമായ ചർമ്മസ്ഥിതി നേടിയെടുക്കുന്നതിന് മുട്ടയുടെ വെള്ള എങ്ങനെ ചർമ്മത്തിൽ ഉപയോഗിക്കണം എന്നറിയാം.
മുഖത്തെ ചുളിവുകള് നീക്കം ചെയ്യുന്നതിനായി മുട്ട ഉപയോഗിച്ചുകൊണ്ട് വളരെ എളുപ്പത്തിൽ നിങ്ങൾക്ക് തയ്യാറാകാൻ കഴിയുന്ന മറ്റൊരു ഫെയ്സ് പാക്ക് തേൻ കൂട്ടി ചേർത്തിട്ടുള്ളതാണ്. 1 ടീസ്പൂൺ മുട്ടയുടെ വെള്ളയോടൊപ്പം അര ടീസ്പൂൺ തേൻ ചേർത്ത് കലർത്തി നിങ്ങൾക്ക് ചുളിവുകൾ ഉള്ള മുഖചർമ്മത്തിൽ തേച്ചു പിടിപ്പിക്കാം. ഇത് ചർമ്മത്തെ ഒരേ സമയം പോഷിപ്പിക്കുകയും ചർമപ്രശ്നങ്ങൾ ഒരു പരിധിവരെ കുറയ്ക്കുകയും ചെയ്യും. രണ്ടാഴ്ചയിൽ ഒരിക്കൽ വീതം ഈ പായ്ക്ക് പതിവായി ഉപയോഗിക്കുന്നത് ചുളിവുകളെ വളരെ പെട്ടെന്ന് തന്നെ നീക്കം ചെയ്യുന്നതിന് സഹായിക്കും. ചർമ്മസുഷിരങ്ങളെ വൃത്തിയാക്കിക്കൊണ്ട് വ്യക്തമായതും തിളങ്ങുന്നതുമായ ചർമ്മസ്ഥിതി ഉറപ്പാക്കാൻ സഹായിക്കുന്ന ഒരു മികച്ച ഘടകമാണ് മുട്ടയുടെ വെള്ള.
ഒരു സ്പൂൺ മുട്ടയുടെ വെള്ളയോടൊപ്പം 1 ടീസ്പൂൺ പഞ്ചസാരയും 1 ടീസ്പൂൺ കോൺസ്റ്റാർക്കും ചേർത്ത് നന്നായി കൂട്ടിയോജിപ്പിക്കുക. മുഖത്തുണ്ടാകുന്ന കറുത്ത പാടുകളും ബ്ലാക്ക് ഹെഡുകളും നീക്കം ചെയ്യാനായി ഈ പാക്ക് ഉപയോഗിക്കുന്നത് വളരെ നല്ലതാണ്. പഞ്ചസാര നിർജ്ജീവമായ ചർമ്മ കോശങ്ങളെ പുറംതള്ളുമ്പോൾ കോൺസ്റ്റാർക്ക് ചർമ്മത്തിലെ എല്ലാവിധ അഴുക്കുകളേയും ആഗിരണം ചെയ്തെടുക്കും. മുട്ടയുടെ വെള്ള സുഷിരങ്ങൾ കർശനമാക്കുന്നതിന് സഹായിക്കുന്നു. എണ്ണമയമുള്ള ചർമ്മമുള്ളവർക്ക് മുട്ടയുടെ വെള്ള അര ടീസ്പൂൺ നാരങ്ങ നീരിനോടും 1 ടീസ്പൂൺ തേനിനോടുമൊപ്പം ചേർത്ത് കലർത്തി ഉപയോഗിക്കാം. ഈ പായ്ക്ക് മുഖത്തെ എണ്ണമയം നിയന്ത്രിച്ചു നിർത്തുന്നതിന് സഹായകമാണ്